Radio Farda e Radios Evropa e Lirë raporton në gjuhën persiane dhe thyen censurën qeveritare të Iranit, duke ofruar lajme kredibile, si dhe platformë për diskutim.
Rundi i ri i bisedimeve mes SHBA-së dhe Iranit pritet të zhvillohet më 17 shkurt në Gjenevë.
Alireza Karami është një prej viktimave që kanë vdekur në Teheran gjatë shtypjes së protestave kundër regjimit. Pamjet e qenit të tij besnik, Arielit, pranë varrit të të ndjerit, kanë marrë vëmendje të madhe në rrjetet sociale.
Irani i ka arrestuar disa politikanë të shquar reformistë, teksa autoritetet vazhdojnë t'i shtypin me dorë të hekurt disidentët, pas protestave të mëdha anti qeveritare – një prej kërcënimeve më serioze për pushtetin ndër vite.
Ndërsa iranianët vajtojnë mijëra protestues të vrarë në një shtypje brutale shtetërore, dy artistë që jetojnë jashtë Iranit kanë publikuar një himn për lëvizjen protestuese.
Teksa anijet luftarake amerikane po i afrohen Iranit, diplomatë të të dyja shteteve janë duke planifikuar nisjen e bisedimeve më 6 shkurt. Zyrtarët do t’i rinisin diskutimet për programin bërthamor të Iranit.
Teksa forcat amerikane po grumbullohen pranë kufijve të Iranit dhe në kohën kur Teherani po paralajmëron për pasoja nëse shpërthen lufta, po zhvillohet një përpjekje diplomatike për të shmangur një përshkallëzim rajonal.
Pavarësisht bllokimit të internetit në gjithë Iranin, disa video tashmë kanë depërtuar përtej kufijve dhe tregojnë për dorën e hekurt të pushtetit.
Shtetet e Bashkuara po dislokojnë aeroplanë luftarakë, sisteme të mbrojtjes ajrore dhe aeroplanmbajtës me mijëra trupa në Lindjen e Mesme, një lëvizje që ka rritur tensionet me Iranin dhe mundësitë për veprime ushtarake, thonë ekspertët.
Familjarët dhe miqtë e Alireza Rahimit ndezën qirinj dhe luajtën këngët e tij të preferuara në ditën kur ai duhet ta festonte ditëlindjen.
Rrugët rëndomë të gjalla të kryeqytetit të Iranit tani janë kryesisht bosh, sepse forcat e sigurisë po mbajnë kontrollin pasi i shtypën protesta e papara kundër sundimtarëve klerikë të vendit.
Pamje të reja që po qarkullojnë online, po shpërfaqin forcat iraniane të sigurisë duke shtënë me armë në drejtim të protestuesve më 8 janar. Ata shihen edhe duke hyrë nëpër ndërtesa, duke arrestuar e rrahur njerëz në periudhën e shpërthimit të protestave masive.
Mijëra iranianë janë vrarë dhe plagosur teksa autoritetet përpiqen të shtypin protestat kundër Qeverisë. Një oftalmologe iraniane, e cila foli për Radion Farda të REL-it nga Evropa, tha se spitalet po përballen me vështirësi të mëdha për t’i trajtuar të gjithë të plagosurit.
Autoritetet iraniane e kanë zhytur vendin në atë që dëshmitarët e përshkruajnë si një bllokadë pothuajse totale digjitale, në përgjigje të protestave vdekjeprurëse mbarëkombëtare kundër Republikës Islamike, duke kufizuar ndjeshëm qarkullimin e informacionit nga brenda vendit.
Robina Aminian, një grua kurde 23-vjeçare, e cila studionte dizajn mode në Teheran, është ndër mijëra protestuesit që kanë humbur jetën gjatë shtypjes shtetërore iraniane ndaj protestuesve antiqeveritarë.
Një mjeke brenda Iranit i ka thënë Radios Farda të Radios Evropa e Lirë (REL) se forcat e sigurisë kanë bastisur spitalet dhe kanë vrarë protestues të plagosur, në vazhdën e shtypjes brutale të protestave mbarëkombëtare kundër regjimit.
Presidenti i Shteteve të Bashkuara të Amerikës, Donald Trump, tha se Uashingtoni mund të ndërhyjë, ndërsa shtypja vdekjeprurëse e protestave po vazhdon në Iran.
Duket se Uashingtoni i ka rikthyer në agjendë veprimet ushtarake kundër Iranit, në një kohë kur po ndodh një shtypje gjithnjë e më vdekjeprurëse ndaj protestuesve në qytete dhe qyteza në të gjithë vendin.
Në një video të publikuar në rrjetet sociale më 11 janar shihen dhjetëra trupa jashtë Qendrës së Mjekësisë Ligjore të Kahrizakut, në Teheran, ndërsa protestat vdekjeprurëse antiqeveritare po vazhdojnë në mbarë Iranin.
Që nga 28 dhjetori, protestat në Iran nuk kanë të ndalur. Fillimisht, ato u nxitën nga gjendja e rëndë ekonomike, por tani shumë iranianë po i krahasojnë skenat nga këto demonstrata me ngjarjet që çuan në rrëzimin e shahut më 1979. Më 8 janar u shënuan protestat më të mëdha deri më tani.
Forcat iraniane të sigurisë qëlluan dhe, sipas raportimeve, vranë protestues ndërsa demonstratat vazhduan në mbarë vendin. Grupi norvegjez për të drejtat e njeriut, Hengaw raportoi se të paktën katër persona u vranë dhe 30 u plagosën në qytetin perëndimor iranian Malekshahi më 3 janar.
Shfaq më shumë
