Zijadin Gashi

Prodhuar nga Zijadin Gashi

• 11 prill 2008

  Prishtina e Shkupi bëjnë matjet në brezin kufitar

  Komisionet teknike për demarkacionin e kufirit ndërmjet Kosovës e Maqedonisë janë duke i bërë matjet teknike të pronave kadastrale për të vërtetuar çështjet kontestuese mes dyja vendeve për kufirin. Kështu thotë kryesuesi i Komisionit teknik të Prishtinës për demarkacionin e kufirit, Bekim Çollaku. Sipas tij, vetëm pasi që këto matje të jenë kryer, do të vërtetohet nëse Kosova ka pësuar dëme apo jo nga marrëveshja e vitit 2001, ndërmjet ish-autoriteteve jugosllave dhe atyre maqedonase.

• 10 prill 2008

  UNMIK-u i rikujton Beogradit 1244-shin

  Administrata e Kombeve të Bashkuara në Kosovë thotë se mbajtja e zgjedhjeve lokale të Serbisë në Kosovë paraqet shkelje të 1244-shit. UNMIK-u thotë se pret instruksione nga Nju Jorku se si të veprohet nëse Serbia do vendosë përfundimisht t’i mbajë këto zgjedhje në Kosovë.

• 9 prill 2008

  Kosova fiton Kushtetutën

  Kuvendi i Kosovës, në një seancë të jashtëzakonshme, ka miratuar të merkuren unanimisht Kushtetutën e Republikës së Kosovës. Akti i miratimit të Kushtetutës nga udhëheqësit kosovarë dhe deputetët, është cilësuar si historik, që pason shpalljen e pavarësisë së Kosovës.

• 8 prill 2008

  Sejdiu: Serbia nxiti ngjarjet e 17 marsit

  Presidenti i Kosovës, Fatmir Sejdiu, ka akuzuar sot drejtpërdrejt Beogradin për implikime në pjesën veriore, cenim të sigurisë së brendshme dhe për ndihmën që i jep zhvillimit të kontrabandës në kufirin mes dy vendeve. Ai tha se do të ketë përpjekje që Kosova të prezantohet si oazë e krimit, por u shpreh i bindur se Kosova në bashkëpunim me ndërkombëtarët do t’ia dalin që të kthejnë normalitetin në gjithë territorin e vendit.

• 7 prill 2008

  Nënshkruhet drafti i Projekt-Kushtetutës së Kosovës

  Drafti i Projekt-Kushtetutës së Kosovës është nënshkruar sot nga Komisioni Kushtetues. Me këtë rast, presidenti Sejdiu tha se Kosova po bëhet me një Kushtetutë moderne, me të cilën garantohet barazia e qytetarëve dhe komuniteteve në shoqërinë shumetnike kosovare dhe me të cilën garantohet zbatimi i dokumentit të Ahtisaarit, si bazë e zgjidhjes së statusit të Kosovës.

• 7 prill 2008

  Haziri: Haradinaj dinamizon jetën politike në Kosovë

  "Haradinaj kthehet si ish-kryeministër, mandati i të cilit u ndërpre padrejtësisht. Pritjet janë që skena politike të dinamizohet, stabiliteti dhe siguria në Kosovë do të jenë më të garantuara definitivisht", thotë nënkryetari i LDK-së, Lutfi Haziri.

• 4 prill 2008

  Dugolli: Lirimi i Haradinajt - dëshmi e luftës së drejtë të UÇK-së

  "Lufta e udhëhequr nga UÇK-ja në Kosovë ka qenë jo vetëm luftë mbrojtëse, por ka qenë luftë, që, sipas përkufizimit, ka qenë e drejtë, ku pjesëmarrësit e saj janë përpjekur maksimalisht që t’u përmbahen rregullave dhe zakoneve të luftës", thotë analisti Ilir Dugolli, në një intervistë për Radion Evropa e Lirë.

• 3 prill 2008

  Prishtina përshëndet ftesën e NATO-s për Shqipërinë e Kroacinë

  Ftesa e NATO-s për Shqipërinë dhe Kroacinë për anëtarësim në NATO, në Prishtinë vlerësohet si një lajm i mirë dhe në dobi të paqes e stabilitetit të rajonit.

• 2 prill 2008

  SHPK: Gjendja në veri të Mitrovicës e qetë, por e tensionuar

  Pas incidenteve të fundit në pjesën veriore të Kosovës, sidomos atij në fshatin Suhodoll, ku qenë përfshirë edhe banorët lokalë shqiptarë dhe ata serbë, tani gjendja përshkruhet e qetë, por e tensionuar. Zëdhënësi i SHPK-së, Besim Hoti, thotë se UNMIK-u, KFOR-i dhe policia vendore po e mbajnë gjendjen nën kontroll, përderisa Oliver Ivanoviq vlerëson se incidentet ndëretnike mund të kenë pasoja shumë të mëdha për serbët e Kosovës.

• 1 prill 2008

  Makolli: Qeveria - e pakompromis ndaj zgjedhjeve serbe

  "Qeveria e Kosovës duhet të jetë e pakompromis në kuptimin e moslejimit të shfrytëzimit të Kosovës si zonë zgjedhore nga ana e Serbisë", thotë në një intervistë për Radion Evropa e Lirë, nënkryetari i Aleancës Kosova e Re, Ibrahim Makolli.

• 31 mars 2008

  Kermabon: EULEX-i do shtrihet në gjithë territorin e Kosovës

  Shefi i Misionit të EULEX-it, Yves de Kermabon, filloi sot edhe një vizitë në Kosovë, në kuadër të përgatitjeve për nisjen e këtij misioni. Ai ka takuar udhëheqësit e policisë vendore dhe ndërkombëtare. Pas këtyre takimeve, Kermabon tha se EULEX-i do të shtrihet në gjithë territorin e Kosovës.

• 21 mars 2008

  Opozita kritikon Qeverinë e Kosovës për mungesë programi

  Pas afër tre muaj të funksionimit të saj, Qeveria e Kosovës paralajmëron se do t’ia paraqesë programin qeverisës Kuvendit në një të ardhme shumë të afërt. Ndërkohë që opozita e kritikon qeverinë për mungesë programi dhe kërkon që tash, pas tre muajve të parë të funksionimit të saj, të paraqitet raporti i punës.

• 20 mars 2008

  Sejdiu: Kosova me rrugë të shkurtuar në BE dhe NATO

  Zyrat diplomatike të Kroacisë, Bullgarisë dhe Hungarisë, u kanë kumtuar sot edhe zyrtarisht, presidentit Fatmir Sejdiu dhe kryeministrit Hashim Thaçi, vendimet e qeverive të tyre për njohjen e shtetit të Kosovës. Ndërkohë që udhëheqësit kosovarë kanë pritur sot dhe disa nga liderët e shqiptarëve të Maqedonisë, me ç’rast u shprehën të bindur se edhe Shkupi shumë shpejt do ta bëjë publik vendimin për njohjen e Republikës së Kosovës.

• 19 mars 2008

  Prishtina nuk beson në opsionin e ndarjes dhe konfliktit të ngrirë

  Në raportin e fundit të Grupit Ndërkombëtar të Krizave tërhiqet vërejtja për rrezikun që i kanoset Kosovës nga përpjekjet e Beogradit për ndarjen e saj. Andaj, u bëhet thirrje vendeve perëndimore që kanë njohur shtetin e Kosovës, që të vendosin bashkëpunim bilateral dhe ta ndihmojnë atë të anëtarësohet në organizatat ndërkombëtare.

• 18 mars 2008

  Pajaziti: S'ka kompromise me grupet e huliganëve në Mitrovicë

  "Institucionet e Kosovës dhe mekanizmat e pranisë ndërkombëtare janë të vendosura që të mos bëjnë kompromise me askënd, kur është në pyetje siguria, zbatimi i ligjit dhe tërësia territoriale e Kosovës", thotë ministri i Punëve të Brendshme, Zenun Pajaziti.

• 17 mars 2008

  Muaji i parë i pavarësisë

  Qeveria dhe opozita në Prishtinë ndajnë mendime të ndryshme lidhur me funksionimin e Kosovës si shtet, në muajin e parë të pavarësisë së saj. Ndërsa qeveria e vlerëson të suksesshëm muajin e parë dhe kalimin nëpër sfidat që ka sjellë shpallja, njohja dhe gjendja e përgjithshme e sigurisë, opozita konsideron se qeveria po merret vetëm me simbolika dhe i ka lënë anash çështjet që preokupojnë qytetarët në jetën e tyre të përditshme.

• 16 mars 2008

  Haziri: UNMIK-u e ka përfunduar misionin në Kosovë

  "Misioni i UNMIK-ut në Kosovë ka përfunduar dhe faza e tranzicionit duhet të qartësohet. Në të kundërtën, nëse në Kosovë do të vazhdojë praktika e funksionimit të katër qeverive, vendi mund të zhytet në paqartësi", thotë Lutfi Haziri, nënkryetar i LDK-së.

• 15 mars 2008

  Thaçi e Feith mbështesin UNMIK-un në kthimin e normalitetit në Mitrovicë

  Kryeministri i Kosovës, Hashim Thaçi dhe shefi i Zyrës Civile Ndërkombëtare, Peter Feith, i kanë dhënë sot mbëshjtetje UNMIK-ut në përpjekjet që të kthejë normalitetin në Mitrovicë.

• 14 mars 2008

  Scheffer: Sulmi ndaj gjykatave në Mitrovicë, akt kundër OKB-së

  Sekretari i Përgjithshëm i NATO-s, Jaap de Hoop Scheffer, zhvillimet në Mitrovicë, me ç'rast një grup serbësh ka hyrë në Gjykatën e Qarkut dhe atë Komunale, i cilësoi si sulm ndaj Kombeve të Bashkuara dhe komunitetit ndërkombëtar në përgjithësi.

• 13 mars 2008

  Kermabon: EULEX-i do të shtrihet në gjithë territorin e Kosovës

  Përparimet në sundimin e rendit dhe ligjit në Kosovë do të jenë prioritetet kryesore të misionit të EULEX-it, ka thënë shefi i këtij misioni, Yves de Kermabon. Ai tha se misioni i tij do të shtrihet në gjithë territorin e Kosovës, përfshirë edhe veriun.

Shfaq më shumë