Radio Evropa e Lirë

Përpjekjet për të ndalur rrjedhjet e naftës

Në Gjirin e Meksikës vazhdojnë përpjekjet për ndaljen e rrjedhjes së naftës, për të cilën shkencëtarët amerikanë thonë se është më e madhja në histori. Presidenti Barak Obama shpalli një varg masash, përfshirë zgjatjen për gjashtë muaj të moratoriumit për ndalimin e shpimit në ujërat e thella.

Indi: 71 të vdekur nga përplasja e trenave

Nga përplasja e dy trenave në Indi kanë vdekur së paku 71 njerëz dhe mbi 200 janë plagosur. Përplasja ndodhi pasi një tren pasagjerësh doli nga shinat si rezultat i një shpërthimi. Aksidenti ndodhi në qytetin e Kalkutës dhe burimet zyrtare thanë se pritet rritje e numrit të viktimave.

Strategjia e Obamës, ndarje nga Bushi

Renesanca në artin iranian

Disa nga artistët e sotëm iranianë, që po arrijnë suksese të mëdha, janë pjesë e brezit të ri, të lindur pas Revolucionit Islamik të vendit, në vitin 1979. Shumë prej tyre janë rritur gjatë presidencës së Muhamed Katamit, nga viti 1997 deri më 2005, një udhëheqës ky relativisht i moderuar, i cili lejonte liri më të madhe të shprehjes dhe i cili promovonte dialogun kulturor dhe artistik në mes të Iranit dhe Perëndimit.

Forumi i Aleancës së Civilizimeve

Aleanca e Civilizimeve e Kombeve të Bashkuara do të mbajë forumin e tretë vjetor në Rio de Zhanerio të Brazilit, nga data 27 deri më 29 maj. Në konferencën e titulluar “Krijimi i kulturave, ndërtimi i paqes” do të marrin pjesë personalitete të larta, përfshirë presidentin e Brazilit, Luiz Inacio Lula da Silva, kryeministrin turk, Rexhep Taip Erdogan, dhe sekretarin e përgjithshëm të OKB-së, Ban ki-Mun.

AI: Vazhdon abuzimi i të drejtave të njeriut

Abuzimi i të drejtave të njeriut vazhdoi ta pllakosë botën edhe në vitin 2009 me tortura, burgosje të padrejta, sulme raciste dhe shkelje të tjera të regjistruara nga Amerika deri në Azinë Qendrore, konkludon organizata Amnesty International.

Feith: Pavarësia e Kosovës, fakt i pakthyeshëm

Shefi i Zyrës Civile Ndërkombëtare në Kosovë, Piter Feith, tha se mendimi i Gjykatës Ndërkombëtare të Drejtësisë vështirë se do t’i ndryshojë përkushtimet e vendeve ndaj Kosovës. “Pavarësia e Kosovës është fakt i pakthyeshëm", tha Feith, gjatë fjalimit të tij në Institutin Amerikan për Paqe, në Uashington.

Turqi: Rrëzohet autobusi me turistë rusë

Një autobus, që transportonte turistë rusë, është rrëzuar në lum, duke shkaktuar vdekjen e 16 personave dhe plagosjen e 25 të tjerëve. Turistët po udhëtonin nga Antalia drejt pjesës qëndrore të Turqisë. Punonjësit e shpëtimit po punojnë për t'i nxjerrë të plagosurit dhe kufomat nga vendi i aksidentit.

SHBA-Rusi: Fillimi i ri nis dhe nga basketbolli

Një grup të rinjsh rusë, dashamirë të basketbollit, po vizitojnë Shtetet e Bashkuara për të mësuar më shumë nga basketbolli dhe jeta amerikane. Gjatë kësaj vere, një grup notarësh amerikanë do të shkojnë në Moskë për një përvojë të ngjashme. Shkëmbimet mes dy vendeve janë pjesë e asaj që presidentët Obama e Medvedev e kanë cilsëuar si fillim të ri.

SHBA-të mbështesin Seulin në krizën me Penjanin

Uashingtoni ka shprehur mbështetjen për Korenë e Jugut pas mbytjes së anijes luftarake, incident për të cilin fajësohet Koreja e Veriut. Penjani duhet të kërkojë falje dhe të nxjerrë para drejtësisë autorët e sulmit, ka deklaruar Seuli zyrtar. Nga ana tjetër, Shtetet e Bashkuara dhe Koreja e Jugut kanë njoftuar se do të zhvillojnë së shpejti prova të përbashkëta ushtarake. Në gadishullin korean gjenden 28 mijë ushtarë amerikanë.

Filmi tajlandez fiton Palmën e Artë

Filmi tajlandez “Uncle Boonmee Who Can Recall His Past Lives” fitoi Palmën e Artë për filmin më të mirë në Festivalin e Kanës. Regjinë e kësaj ngjarjeje mistike për rimishërimin e bëri Apichatpong Weerasethakul. Ky është filmi i parë nga një regjisor tajlandez që merr këtë çmim.

Krijohet qeliza e parë artificiale

Shkencëtarët në Shtetet e Bashkuara thanë se kanë zhvilluar me sukses qelizën e parë të gjallë me material sintetik. Kjo qelizë është bërë bazuar në ADN-në e njeriut.

Londra prezanton maskotat për Lojërat Olimpike 2012

Organizatorët e Lojërave Olimpike dhe Paraolimpike në Londër, 2012, kanë prezantuar maskotat e kësaj gare, Venlok dhe Mandevil, krijesa këto me një sy që ngjajnë me jashtëtokësorët. Organizatorët e Lojërave Olimpike kanë deklaruar se presin që maskotat të jenë shumë të popullarizuara, sidomos në mesin e fëmijëve.

Stavridis: Në Kosovë 5.000 trupa të NATO-s

Komandanti suprem i Forcave të Përbashkëta për Evropë, admirali Xhejms Stavridis, tha se shpreson për reduktime të mëtejme të trupave në Kosovë këtë vit. “Unë do t’i reduktoj trupat nga 15 mijë në 10 mijë, dhe ndoshta në 5 mijë nga fundi i vitit”, tha Stavridis.

GNK: Kosova ta luftojë korrupsionin dhe të bëjë reforma

Qeveria e Kosovës, EULEX-i dhe bashkësia e gjerë ndërkombëtare duhet të punojnë në luftimin e korrupsionit dhe të miratojnë reforma juridike, thuhet, pos tjerash, në raportin më të ri të Grupit Ndërkombëtar të Krizave.

Francë: Kabineti miraton ndalimin e ferexhes

Tajlandë: Dorëzohen drejtuesit e protestave

Katër drejtuesit e protestave kundër Qeverisë në Tajlandë i janë dorëzuar policisë. Vendimi erdhi pasi forcat e sigurisë bastisën kampet e protestuesve dhe për pasojë humbën jetën katër persona, mes të cilëve dhe një fotograf italian. Dhuna ka vazhduar në pjesë të tjera të Bangkokut, ku shumë ndërtesave u është vënë zjarri.

Sulm vetëvrasës në Kabul

NATO-ja tha se gjashtë ushtarë të aleancës u vranë nga shpërthimi i një automjeti bombë në Kabul, me ç’rast u vranë edhe të paktën 12 civilë afganë. Sulmuesi e aktivizoi automjetin e mbushur me eksploziv në çastin kur automjetet e NATO-s po kalonin afër parlamentit dhe ndërtesave të tjera qeveritare.

Kanë: Hapet Festivali i Filmit

Të mërkurën u hap Festivali i 63-të i filmit në Kanë, me 19 kandidime nga gjithsejtë 15 vende. Gjatë 12 ditëve të këtij festivali, filma të ndryshëm do të garojnë për Palmën e Artë, shpërblim ky që jepet për filmin më të mirë. Tim Burton, regjisor amerikan, do të jetë në krye të jurisë nëntëanëtarëshe.

Kamerun, kryeministër i ri