Arben Hoti është kameraman dhe montazhier i Radios Evropa e Lirë në Prishtinë.
Një artist nga Gjakova po synon të vendos një rekord të ri botëror në librin e Guiness me një mozaik prej 560 metrash katrorë, të punuar me drithëra. Në mozaik është paraqitur fotografia e presidentit amerikan, Donald Trump.
Prokuroria e Speciale e Kosovës ka konfirmuar për Radion Evropa e Lirë, se nga aksioni i policisë në disa lokalitete, kryesisht në veri të Kosovës janë ndaluar 19 zyrtarë policorë dhe 10 qytetarë të cilët i kanë penguar autoritetet e rendit në realizimin e aksionit.
Dy infermiere nga Kaçaniku çdo ditë pune udhëtojnë nga pesë kilometra për të vizituar nënat dhe fëmijët e tyre të vegjël në zonat më të largëta malore. Këto vizita kanë filluar që nga muaji korrik i vitit të kaluar.
Kur në muajt e parë të vitit 1999 e gjithë Kosova ishte në luftë, një foshnje nga Peja kishte mbetur pa prindërit e saj në spitalin e Prishtinës. Ata e panë vajzën e tyre vetëm pas mbarimit të luftës.
Kosova është para një sfide se si t’i riintegrojë mbi 100 personat që janë kthyer nga Siria. Duke folur në një intervistë për Radion Evropa e Lirë, Koordinatori Nacional për Parandalimin e Ekstremizmit Fatos Makolli, ka thënë se nuk duhet krijuar panik sepse të kthyerit nuk paraqesin rrezik.
Në një intervistë për Radion Evropa e Lirë, presidenti Thaçi ka thënë se tarifa e vendosur për produktet me origjinë nga Serbia dhe Bosnja e Hercegovina, nuk do të hiqet, ndërsa ka folur edhe për Samitin e Berlinit, që sipas tij, nuk ka nxjerrë ndonjë konkluzion të qartë.
Lëvizja Vetëvendosje organizoi të premten një protestë në Prishtinë kundër Kryeprokurorit të Shtetit, Aleksandër Lumezi, dhe korrupsionit, siç u tha, në rritje në Kosovë.
Tri motra nga një fshat i Gjilanit ushtrojnë në një garazh sportin e pingpongut. Me gjithë kushtet e këqija, ato kanë arritur të shpallen disa herë kampione të Kosovës.
Në Qendrën për Mbajtjen e të Huajve në Vranidoll, të premten mbrëma janë vendosur 110 kosovarët e kthyer nga Siria. Drejtori i Policisë së Kosovës, Rashit Qalaj, me ministrin e drejtësisë, Abelard Tahiri, ka bërë të ditur se në mesin e personave të kthyer janë edhe 4 luftëtarë.
Kulmet e qindra ndërtesave në gjithë Kosovën janë të mbuluara me materiale që kanë përmbajtje azbesti. Në rreth 60 shtete të botës prej vitesh është ndaluar prodhimi, importi dhe përdorimi i materialeve që kanë këtë përmbajtje.
Edhe pse boksi konsiderohet të jetë sport për meshkuj, këtë gjë e ka përmbysur boksierja kosovare Donjeta Sadiku, e cila është vajza e parë që i solli Kosovës medalje të artë në këtë sport.
Më 24 mars bëhen 20 vjet nga fillimi i bombardimeve të NATO-s mbi caqet e ish-Jugosllavisë. Fushata, që i dha fund luftës në Kosovë, zgjati 78 ditë.
Më 24 mars 1999 NATO filloi bombardimet ndaj Jugosllavisë së atëhershme. Gjatë 78 ditëve sa zgjatën bombardimet, forcat policore e ushtarake serbe vranë mijëra civilë, në mesin e tyre edhe 49 anëtarë të familjes Berisha në Suharekë.
Aktivistë të drejtave të njeriut janë mbledhur në qendrën kulturore sociale Termokiss, në Prishtinë kështu duke shitur rroba, ushqime dhe aksesore të ndryshme në mënyrë që të rrisin fondet për strehimoret në Kosovë të cilat janë vazhdimisht të rrezikuara të mbyllen.
Rizvan Duplak ka disa muaj që pastron xhaminë e Lipjanit dhe qytetarët që falen në këtë xhami ia kanë siguruar një pagë. 75-vjeçari që është i nacionalitetit boshnjak, para 10 vjetësh, ka ardhur të jetojë në Kosovë.
Në Prishtinë është hapur Muzeu i Iluzioneve ku perceptimi i objekteve dhe realiteti janë shumë larg. Aty janë paraqitur 36 iluzione optike.
Pak njerëz në Kosovë e njohin sportin e ragbit dhe rregullat e tij. Por, me iniciativën e një amerikaneje është formuar ekipi i parë i grave që luajnë këtë sport. Ekipi quhet Balkan Lynx Kosova që në shqip do të thotë Reqebullët e Kosovës.
Fehmi Musa, një taksist nga Fushë Kosova, ka vuajtur 3 vjet burgim pasi është shpallur fajtor se kishte ndihmuar disa persona në Kosovë që kanë tentuar të kryenin vepra terroriste. Musa thotë se është i pafajshëm dhe se tash e ka të vështirë t’i kthehet jetës së tij të mëparshme.
Ka tre vjet që Albert Bardhi nga Gllogoci, i cili është i verbër, lexon Kuranin në gjuhën shqipe të shkruar me alfabet Braj. Ky Kuran është botuar në vitin 2007 për personat e verbër në Kosovë, që i takojnë besimit islam.
Arijon Krasniqi, 18-vjeçar nga Malisheva, ka lindur pa duar. Duart i ka zëvendësuar me këmbët e tij, duke i përdorur për çdo gjë, madje edhe për të pikturuar. Këtë vit ai ka mbaruar shkollën e mesme, mirëpo nuk mund të vazhdojë fakultetin sepse nuk ka para ta paguajë një përcjellës.
Shfaq më shumë
