Pas zotimit të Qeverisë së Kosovës për shtyrjen e zbatimit të dy vendimeve për reciprocitet me Serbinë, serbët lokalë në veriun e Kosovës më 1 gusht kanë nisur t’i zhbllokojnë rrugët drejt pikave kufitare mes dy vendeve.
Më 1 gusht, kamionët që u vendosën nga serbët lokalë në fshatin Rudarë të Zveçanit, kanë nisur të largohen. Serbët lokalë më 31 korrik vendosën barrikada në dy rrugët që çojnë në pikat kufitare, Jarinjë dhe Bërnjak, që lidhin Kosovën dhe Serbinë.
Barrikadat e vendosura nga serbët lokalë në veri të Kosovës po vazhdojnë t'i mbajnë të bllokuara rrugët që çojnë në dy pikat kufitare me Serbinë – Jarinjë dhe Bërnjak.
Bllokimi i rrugëve në veri të Kosovës po vazhdon për të dytën ditë me radhë, edhe pse Qeveria e Kosovës është zotuar se do të shtyjë vendimin për targat dhe dokumentet serbe, nëse hiqen barrikadat.
Në Merdare, gjatë orës së parë të 1 gushtit, janë lëshuar dokumentet e para nga Ministria e Brendshme e Kosovës për hyrje-dalje për qytetarët e Serbisë. Zyrtarët policorë nuk kishin marrë ende njoftimin zyrtar për shtyrjen e vendimit të Qeverisë së Kosovës për reciprocitet me Serbinë.
Forca të shtuara të Policisë së Kosovës dhe misionit të NATO-s në Kosovë (KFOR) janë parë në mbrëmjen e së dielës në Urën e Ibrit në pjesën jug të Mitrovicës. Serbët lokalë në veri të Kosovës kanë bllokuar rrugët që çojnë drejt dy pikëkalimeve kufitare – Jarinjë dhe Bërnjak.
Disa orë para hyrjes së paralajmëruar në fuqi të dy vendimeve të Qeverisë së Kosovës, të cilat kanë të bëjnë me targat dhe dokumentet serbe, serbët lokalë në veri të Kosovës kanë bllokuar të dielën me kamionë rrugët që çojnë drejt pikëkalimeve kufitare Bërnjak dhe Jarinjë.
Pas nisjes së bllokimit të rrugëve në veri të Kosovës, qytetarët kanë nisur që të shfrytëzojnë rrugët alternative. Kjo video është incizuar në një rrugë alternative që qytetarët po përdorin nga pikëkalimi kufitar i Jarinjës në drejtim të Mitrovicës së Veriut.
Në Rudarë të Zveçanit, serbët lokalë kanë nisur të bllokojnë rrugët me kamionë dhe makineri tjetër të rëndë. Bllokada raportohen edhe në pjesë të tjera në veriun e Kosovës të banuar me shumicë serbe.
Në Prishtinë po mbahet edicioni i gjashtë i festivalit “Meeting of Styles”, që synon përmes grafiteve të transformojnë rrugët dhe hapësirat e tjera publike. Ky edicion po mbahet në rrugën B të kryeqytetit, ku mbi 100 artistë dhe krijues nga e mbarë bota po shfaqin artin e tyre.
Artisja ukrainase Alevtina Kakhidze e la familjen dhe miqtë e saj në Ukrainë për të ardhur në Prishtinë. Ajo është pjesëmarrëse e “Manifestës”, Bienales Evropiane Nomade, që po mbahet në kryeqytetin e Kosovës.
Të gjithë pronarët e makinave që kanë targa serbe me emrat e qyteteve të Kosovës, kanë 61 ditë afat për riregjistrimin e tyre në RKS – Republika e Kosovës.
Trego më shumë
